hijr-e-be-mehr se aazad hua chahte hain

hijr-e-be-mehr se āzād huā chāhte haiñ

din nikaltā hai to shab-zād huā chāhte haiñ

ne.amateñ pā ke bhī ḳhush hote nahīñ haiñ kuchh log

aur kuchh sāhib-e-aulād huā chāhte haiñ

kaash ik baar vo siine se lagā le ham ko

chand lamhe hī sahī shaad huā chāhte haiñ

ek lamhe ke liye bhuul na paa.eñ ham ko

ham unheñ misl-e-duā yaad huā chāhte haiñ

ishq vo sā.at-e-imkāñ hai jo Dhaltī hī nahīñ

ham isī vāste farhād huā chāhte haiñ

'altamash' Thahrā thā ik qāfila pyāsoñ kā jahāñ

ham usī dasht kī rūdād huā chāhte haiñ

hijr-e-be-mehr se aazad hua chahte hain

din nikalta hai to shab-zad hua chahte hain

neamaten pa ke bhi KHush hote nahin hain kuchh log

aur kuchh sahib-e-aulad hua chahte hain

kash ek bar wo sine se laga le hum ko

chand lamhe hi sahi shad hua chahte hain

ek lamhe ke liye bhul na paen hum ko

hum unhen misl-e-dua yaad hua chahte hain

ishq wo saat-e-imkan hai jo Dhalti hi nahin

hum isi waste farhad hua chahte hain

'altamash' Thahra tha ek qafila pyason ka jahan

hum usi dasht ki rudad hua chahte hain