hijr ke jam se sairab raha karte the

hijr ke jaam se sairāb rahā karte the

mausam-e-ġham meñ numū-yāb rahā karte the

diid kī shart na thī ishq ke afsāne meñ

ham tujhe soch ke shādāb rahā karte the

terī āñkhoñ meñ damakte the sitāroñ kī tarah

ḳhvāb the aur pas-e-ḳhvāb rahā karte the

mujh se kahtī hai ye siine meñ dhaḌaktī huī barf

yaañ kabhī abr-o-gil-o-āb rahā karte the

dasht haiñ ab mirī āñkheñ to karam hai terā

varna pahle yahāñ sailāb rahā karte the

pās-e-nāmūs-e-mohabbat meñ jiye the kuchh log

shahr meñ ham se ḳhush-ādāb rahā karte the

jab mayassar thā hameñ vo to shaboñ meñ apnī

ka.ī sūraj ka.ī mahtāb rahā karte the

titliyāñ thiiñ tirī āñkheñ ki jinheñ phuul se lab

baḌh ke chhū lene ko betāb rahā karte the

hijr ke jam se sairab raha karte the

mausam-e-gham mein numu-yab raha karte the

did ki shart na thi ishq ke afsane mein

hum tujhe soch ke shadab raha karte the

teri aankhon mein damakte the sitaron ki tarah

KHwab the aur pas-e-KHwab raha karte the

mujh se kahti hai ye sine mein dhaDakti hui barf

yan kabhi abr-o-gil-o-ab raha karte the

dasht hain ab meri aankhen to karam hai tera

warna pahle yahan sailab raha karte the

pas-e-namus-e-mohabbat mein jiye the kuchh log

shahr mein hum se KHush-adab raha karte the

jab mayassar tha hamein wo to shabon mein apni

kai suraj kai mahtab raha karte the

titliyan thin teri aankhen ki jinhen phul se lab

baDh ke chhu lene ko betab raha karte the