hijr ke mausam mein yaaden wasl ki raaton mein hain

hijr ke mausam meñ yādeñ vasl kī rātoñ meñ haiñ

kuchh gile-shikve yaqīnan sab munājātoñ meñ haiñ

dhuup ke mausam meñ the pāyāb dariyā sab magar

kaise kaise ḳhushk manzar ab ke barsātoñ meñ haiñ

haiñ mo.attar ab bhī shāmeñ terī ḳhushbū ke tufail

zau-fishāñ jugnū tire ab bhī mirī rātoñ meñ haiñ

tishnagī sadiyoñ kī qurbat se na bujh paa.ī mirī

log kitne mutma.in thoḌī mulāqātoñ meñ haiñ

dūsroñ ne apnī taqdīroñ ke bal suljhā liye

zulf-e-pechāñ ham abhī uljhe tirī bātoñ meñ haiñ

bas ga.e shahr-e-haqīqat meñ vo jin ke dil nahīñ

ahl-e-dil to ab bhī ḳhvāboñ ke muzāfātoñ meñ haiñ

aaj TūTegā yaqīnan phir tilism-e-ā.ina

saare chehre mushta.il haiñ sañg sab hāthoñ meñ haiñ

hijr ke mausam mein yaaden wasl ki raaton mein hain

kuchh gile-shikwe yaqinan sab munajaton mein hain

dhup ke mausam mein the payab dariya sab magar

kaise kaise KHushk manzar ab ke barsaton mein hain

hain moattar ab bhi shamen teri KHushbu ke tufail

zau-fishan jugnu tere ab bhi meri raaton mein hain

tishnagi sadiyon ki qurbat se na bujh pai meri

log kitne mutmain thoDi mulaqaton mein hain

dusron ne apni taqdiron ke bal suljha liye

zulf-e-pechan hum abhi uljhe teri baaton mein hain

bas gae shahr-e-haqiqat mein wo jin ke dil nahin

ahl-e-dil to ab bhi KHwabon ke muzafaton mein hain

aaj TuTega yaqinan phir tilism-e-aina

sare chehre mushtail hain sang sab hathon mein hain