hijr ki mat kaTne ke liye

hijr kī maat kāTne ke liye

kuchh to ho raat kāTne ke liye

terī merī chhateñ banātā huuñ

apnī barsāt kāTne ke liye

jaldī jaldī guzārtā huuñ din

hijr kī raat kāTne ke liye

us ne kal raat ḳhuub bāteñ kiiñ

merī ik baat kāTne ke liye

kuchh na kuchh DhūñDtā hī rahtā huuñ

rāt-bhar raat kāTne ke liye

koī rishta bahut zarūrī hai

zaat se zaat kāTne ke liye

kaun is jhoñpḌī meñ aa.egā

vo bhī barsāt kāTne ke liye

us ne bhejī haiñ chhatriyāñ naqlī

aslī barsāt kāTne ke liye

hijr ki mat kaTne ke liye

kuchh to ho raat kaTne ke liye

teri meri chhaten banata hun

apni barsat kaTne ke liye

jaldi jaldi guzarta hun din

hijr ki raat kaTne ke liye

us ne kal raat KHub baaten kin

meri ek baat kaTne ke liye

kuchh na kuchh DhunDta hi rahta hun

raat-bhar raat kaTne ke liye

koi rishta bahut zaruri hai

zat se zat kaTne ke liye

kaun is jhonpDi mein aaega

wo bhi barsat kaTne ke liye

us ne bheji hain chhatriyan naqli

asli barsat kaTne ke liye