hijr ki shab daraaz hai dur abhi sahar bhi hai

hijr kī shab darāz hai duur abhī sahar bhī hai

aur hamārī zindagī sham' se muḳhtasar bhī hai

āñkhoñ meñ aa ga.ī hayā aa.ine par nazar bhī hai

ab to unheñ yaqīñ huā husn meñ kuchh asar bhī hai

ek nigāh-e-yās kī taab na lā sakā koī

husn meñ jo asar nahīñ 'ishq meñ vo asar bhī hai

badlī nazar jo aap kī merā jahāñ badal gayā

varna yahāñ abhī vahī shaam bhī hai sahar bhī hai

jalve tire sameT kar bhar liyā dāman-e-nazar

'ishq bhī merā hai hasīñ merī hasīñ nazar bhī hai

kitne vo nā-murād the miT ke jo be-nishāñ hue

tum ne jinheñ miTā diyā un kī tumheñ ḳhabar bhī hai

takmila-e-niyāz-e-'ishq kyoñ na karūñ maiñ ai 'zabīh'

sajde ko hai vo āstāñ dosh pe mere sar bhī hai

hijr ki shab daraaz hai dur abhi sahar bhi hai

aur hamari zindagi sham' se muKHtasar bhi hai

aankhon mein aa gai haya aaine par nazar bhi hai

ab to unhen yaqin hua husn mein kuchh asar bhi hai

ek nigah-e-yas ki tab na la saka koi

husn mein jo asar nahin 'ishq mein wo asar bhi hai

badli nazar jo aap ki mera jahan badal gaya

warna yahan abhi wahi sham bhi hai sahar bhi hai

jalwe tere sameT kar bhar liya daman-e-nazar

'ishq bhi mera hai hasin meri hasin nazar bhi hai

kitne wo na-murad the miT ke jo be-nishan hue

tum ne jinhen miTa diya un ki tumhein KHabar bhi hai

takmila-e-niyaz-e-'ishq kyon na karun main ai 'zabih'

sajde ko hai wo aastan dosh pe mere sar bhi hai