hijr mein aankhen aansu ban kar bah jati hain socha nain

hijr meñ āñkheñ aañsū ban kar bah jaatī haiñ sochā na.iiñ

vo bhī us din ġhusse meñ thā aur maiñ ne bhī rokā na.iiñ

kitnā mushkil hai ye kahnā maiñ terā ho saktā na.iiñ

phir bhī maiñ tujh ko ye dukh to de saktā huuñ dhoka na.iiñ

ek jagah par Thahrī āñkheñ gahrī socheñ ḳhāmoshī

kab tak ḳhud pe zulm karoge is ko vāpas aanā na.iiñ

is se bichhaḌ kar soch rahā huuñ us ko bhulāne kī tarkīb

log sharāb piyā karte haiñ maiñ cigarette tak piitā na.iiñ

shikve mujh ko bhī hote haiñ merā dil bhī dukhtā hai

apne andar ghuT jaatā huuñ merī jaan maiñ kahtā na.iiñ

kis darja nuqsān uThāyā hai ham ishq faqīroñ ne

jitnā tujh ko kho baiThe haiñ utnā tujh ko paayā na.iiñ

ye pariyoñ se chehre jin par jaan chhiḌakte haiñ ham log

mujh ko in peḌoñ ke nīche dhuup milī hai saaya na.iiñ

kitnī ummīdeñ hotī haiñ un ko ik haañ sunñe kī

lekin aksar pūchhne vāloñ ke hisse meñ aayā na.iiñ

hijr mein aankhen aansu ban kar bah jati hain socha nain

wo bhi us din ghusse mein tha aur main ne bhi roka nain

kitna mushkil hai ye kahna main tera ho sakta nain

phir bhi main tujh ko ye dukh to de sakta hun dhoka nain

ek jagah par Thahri aankhen gahri sochen KHamoshi

kab tak KHud pe zulm karoge is ko wapas aana nain

is se bichhaD kar soch raha hun us ko bhulane ki tarkib

log sharab piya karte hain main cigarette tak pita nain

shikwe mujh ko bhi hote hain mera dil bhi dukhta hai

apne andar ghuT jata hun meri jaan main kahta nain

kis darja nuqsan uThaya hai hum ishq faqiron ne

jitna tujh ko kho baiThe hain utna tujh ko paya nain

ye pariyon se chehre jin par jaan chhiDakte hain hum log

mujh ko in peDon ke niche dhup mili hai saya nain

kitni ummiden hoti hain un ko ek han sunne ki

lekin aksar puchhne walon ke hisse mein aaya nain