hijr mein koi aashna na hua

hijr meñ koī āshnā na huā

ġham magar chhoḌ kar judā na huā

aa.ina bhī ye un se kahtā hai

aap sā koī dūsrā na huā

vaa.e qismat vo dekhne aa.e

aur dard aaj hī sivā na huā

haa.e kab ghir ke aa.e haiñ bādal

jab ki qismat meñ mai-kada na huā

ġham kā aadī banā diyā mujh ko

kyā ye ehsān aap kā na huā

har-nafas par charāġh raushan hai

ye mirā dil bhī kīmiyā na huā

hazrat-e-ishq kī duā hai 'qadīr'

maiñ ḳhudā se kabhī judā na huā

hijr mein koi aashna na hua

gham magar chhoD kar juda na hua

aaina bhi ye un se kahta hai

aap sa koi dusra na hua

wae qismat wo dekhne aae

aur dard aaj hi siwa na hua

hae kab ghir ke aae hain baadal

jab ki qismat mein mai-kada na hua

gham ka aadi bana diya mujh ko

kya ye ehsan aap ka na hua

har-nafas par charagh raushan hai

ye mera dil bhi kimiya na hua

hazrat-e-ishq ki dua hai 'qadir'

main KHuda se kabhi juda na hua