hijr mein nale kiye maine ye nadani hui

hijr meñ naale kiye maiñ ne ye nādānī huī

vo pareshāñ kyā hue mujh ko pareshānī huī

dekh kar husn-e-tasavvur sab ko hairānī huī

maat dil ke sāmne naqqāshī hai maanī huī

allah allah ḳhud qafas sarsabz hai shādāb hai

ḳhatm ashkoñ se mire rasm-e-nigahbānī huī

garche aañsū ban ga.e ulfat meñ sar-rashk-e-guhar

girte hī āñkhoñ se ik ik buuñd nīsānī huī

nazr-e-ātish ho gayā parvāna hañste khelte

alvidā.a-e-zindagī meñ kitnī āsānī huī

dekh kar gul-kāriyāñ ashkoñ kī vo haiñ multafit

kār-āmad aaj merī gul-ba-dāmānī huī

vo shab-e-va.ada achānak ai 'ziyā' jab aa ga.e

mere ġham-ḳhāne ke har zarre meñ tābānī huī

hijr mein nale kiye main ne ye nadani hui

wo pareshan kya hue mujh ko pareshani hui

dekh kar husn-e-tasawwur sab ko hairani hui

mat dil ke samne naqqashi hai mani hui

allah allah KHud qafas sarsabz hai shadab hai

KHatm ashkon se mere rasm-e-nigahbani hui

garche aansu ban gae ulfat mein sar-rashk-e-guhar

girte hi aankhon se ek ek bund nisani hui

nazr-e-atish ho gaya parwana hanste khelte

alwidaa-e-zindagi mein kitni aasani hui

dekh kar gul-kariyan ashkon ki wo hain multafit

kar-amad aaj meri gul-ba-damani hui

wo shab-e-wada achanak ai 'ziya' jab aa gae

mere gham-KHane ke har zarre mein tabani hui