hijraton ke gulab dekhe hain

hijratoñ ke gulāb dekhe haiñ

ham ne saare 'azāb dekhe haiñ

ham se pūchho ki dukh kī mauj hai kyā

ham ne paiham hubāb dekhe haiñ

apnī nākāmiyoñ pe rote ho

ham se ḳhāna-ḳharāb dekhe haiñ

ik samundar kī pyaas thī mujh meñ

aur maiñ ne sarāb dekhe haiñ

mere hāthoñ kī in lakīroñ meñ

jis ne dekhe 'azāb dekhe haiñ

ḳhud ko dekhā hai ġhaur se ham ne

log kam hī ḳharāb dekhe haiñ

ham faqīroñ se pūchhte kyā ho

ham ne 'aalī janāb dekhe haiñ

hijraton ke gulab dekhe hain

hum ne sare 'azab dekhe hain

hum se puchho ki dukh ki mauj hai kya

hum ne paiham hubab dekhe hain

apni nakaamiyon pe rote ho

hum se KHana-KHarab dekhe hain

ek samundar ki pyas thi mujh mein

aur main ne sarab dekhe hain

mere hathon ki in lakiron mein

jis ne dekhe 'azab dekhe hain

KHud ko dekha hai ghaur se hum ne

log kam hi KHarab dekhe hain

hum faqiron se puchhte kya ho

hum ne 'ali janab dekhe hain