hikayat-e-lab-o-ruKHsar se aage nahin jati

hikāyāt-e-lab-o-ruḳhsār se aage nahīñ jaatī

tamannā kyā jo tere pyaar se aage nahīñ jaatī

ka.ī tūfān us mañjdhār se aage bhī haiñ lekin

nigāh-e-nā-ḳhudā mañjdhār se aage nahīñ jaatī

maiñ aksar sochtā rahtā huuñ tere sāmne jā kar

tamannā kyuuñ lab-e-iz.hār se aage nahīñ jaatī

shikast-e-shīsha-e-dil kī sadā uThtī to hai lekin

subū-o-jām kī jhankār se aage nahīñ jaatī

nigāh-o-dil kī vus.at meñ hameñ tarmīm karnī hai

nazar kyā hai jo husn-e-yār se aage nahīñ jaatī

ajab ahl-e-mohabbat haiñ kabhī terī mohabbat haiñ

baḌhī gar baat bhī to daar se aage nahīñ jaatī

ye kaise log haiñ 'shabnam' abhī tak jo ye kahte haiñ

ġhazal kyuuñ narmī-e-guftār se aage nahīñ jaatī

hikayat-e-lab-o-ruKHsar se aage nahin jati

tamanna kya jo tere pyar se aage nahin jati

kai tufan us manjdhaar se aage bhi hain lekin

nigah-e-na-KHuda manjdhaar se aage nahin jati

main aksar sochta rahta hun tere samne ja kar

tamanna kyun lab-e-izhaar se aage nahin jati

shikast-e-shisha-e-dil ki sada uThti to hai lekin

subu-o-jam ki jhankar se aage nahin jati

nigah-o-dil ki wusat mein hamein tarmim karni hai

nazar kya hai jo husn-e-yar se aage nahin jati

ajab ahl-e-mohabbat hain kabhi teri mohabbat hain

baDhi gar baat bhi to dar se aage nahin jati

ye kaise log hain 'shabnam' abhi tak jo ye kahte hain

ghazal kyun narmi-e-guftar se aage nahin jati