hikayaton se fasanon se ret uDti hai

hikāyatoñ se fasānoñ se ret uḌtī hai

yahāñ qadīm zamānoñ se ret uḌtī hai

nasheb-e-jāñ se umaDte haiñ tāza-rau dariyā

buland-bām makānoñ se ret uḌtī hai

lapak alag hai chamak aur hai lalak hai judā

ye kaisī kaisī uThānoñ se ret uḌtī hai

yahāñ kitāboñ se jhaḌtī haiñ bhurnhurī sadiyāñ

aur ek shelf ke ḳhānoñ se ret uḌtī hai

ba-najd ḳhātir-e-majnūñ varā-e-shauq-o-junūñ

uḌe to kitne bahānoñ se ret uḌtī hai

hamārī naqsh-numā.ī ko chāTne ke liye

tire tamām jahānoñ se ret uḌtī hai

yahīñ kahīñ the vo lahreñ uchhālne vaale

hamāre dil meñ zamānoñ se ret uḌtī hai

hikayaton se fasanon se ret uDti hai

yahan qadim zamanon se ret uDti hai

nasheb-e-jaan se umaDte hain taza-rau dariya

buland-baam makanon se ret uDti hai

lapak alag hai chamak aur hai lalak hai juda

ye kaisi kaisi uThanon se ret uDti hai

yahan kitabon se jhaDti hain bhurnhuri sadiyan

aur ek shelf ke KHanon se ret uDti hai

ba-najd KHatir-e-majnun wara-e-shauq-o-junun

uDe to kitne bahanon se ret uDti hai

hamari naqsh-numai ko chaTne ke liye

tere tamam jahanon se ret uDti hai

yahin kahin the wo lahren uchhaalne wale

hamare dil mein zamanon se ret uDti hai