hinai jalti poren sabr ka phal dil ka darwaza

hinā.ī jaltī poreñ sabr kā phal dil kā darvāza

sikuḌtī dastakeñ hairat muqaffal dil kā darvāza

kahīñ par habs kā mehvar kahīñ ujlat havāoñ kī

kahīñ par bijlī pahne oḌhe bādal dil kā darvāza

mahaktī aas kī dīvār se kaa.ī ukhaḌtī hai

bane jab sar kī chunarī aur āñchal dil kā darvāza

tanāb-e-ḳhema-e-ehsās kī vahshat sameTegā

agar khul jaa.e sahrā par mukammal dil kā darvāza

tamannā-e-sadā matlūb āġhushta ba-ḳhūñ-manzar

ḳhamosh-o-ḳhasta ik muddat se pāgal dil kā darvāza

bhaTaktī aañkh ġham hairat aziyyat reshmī parde

ulajhtī niiñd aiThan ḳhvāb maḳhmal dil kā darvāza

parāyā hijr ḳhamiyāze kī uljhan malgaje 'irshād'

sisaktā vasl kālak aañkh ojhal dil kā darvāza

hinai jalti poren sabr ka phal dil ka darwaza

sikuDti dastaken hairat muqaffal dil ka darwaza

kahin par habs ka mehwar kahin ujlat hawaon ki

kahin par bijli pahne oDhe baadal dil ka darwaza

mahakti aas ki diwar se kai ukhaDti hai

bane jab sar ki chunari aur aanchal dil ka darwaza

tanab-e-KHema-e-ehsas ki wahshat sameTega

agar khul jae sahra par mukammal dil ka darwaza

tamanna-e-sada matlub aaghushta ba-KHun-manzar

KHamosh-o-KHasta ek muddat se pagal dil ka darwaza

bhaTakti aankh gham hairat aziyyat reshmi parde

ulajhti nind aiThan KHwab maKHmal dil ka darwaza

paraya hijr KHamiyaze ki uljhan malgaje 'irshad'

sisakta wasl kalak aankh ojhal dil ka darwaza