hindu hai sikh hai muslim hai isai hai jo bhi hai wo watan ka nigahban hai

hindū hai sikh hai muslim hai īsā.ī hai jo bhī hai vo vatan kā nigahbān hai

ye na dekho ki vo kaam kartā hai kyā kaam kuchh bhī kare āḳhir insān hai

ye chhuā chhūt hai dushmanī kā sabab ham-vatan haiñ to phir hai ye tafrīq kyuuñ

ik barahman hai aur ek janjāt hai vo bhī insān hai vo bhī insān hai

hādī-e-dīn jitne bhī aa.e yahāñ saarī duniyā ko un kā ye paiġhām thā

nahīñ insāniyat jis meñ insāñ nahīñ jis meñ insāniyat hai vo insān hai

krishn aa.e yahāñ aa.e munjī yahāñ nānak aa.e yahāñ aa.e rusul-e-ḳhudā

sabhī ik dūsre se mohabbat kareñ saarī duniyā ko un kā ye farmān hai

ye chhuā-chhūt hai asl meñ pur-ḳhatar is kā apne vatan par huā ye asar

lākhoñ maare ga.e sirf is baat par jis ne aisā kiyā hai vo nādān hai

ye mazāhib to apnī jagah haiñ magar ai 'nahīf' is se insān hai be-ḳhabar

tū hai insān insān se pyaar kar yahī insān sachche kī pahchān hai

hindu hai sikh hai muslim hai isai hai jo bhi hai wo watan ka nigahban hai

ye na dekho ki wo kaam karta hai kya kaam kuchh bhi kare aaKHir insan hai

ye chhua chhut hai dushmani ka sabab ham-watan hain to phir hai ye tafriq kyun

ek barahman hai aur ek janjat hai wo bhi insan hai wo bhi insan hai

hadi-e-din jitne bhi aae yahan sari duniya ko un ka ye paigham tha

nahin insaniyat jis mein insan nahin jis mein insaniyat hai wo insan hai

krishn aae yahan aae munji yahan nanak aae yahan aae rusul-e-KHuda

sabhi ek dusre se mohabbat karen sari duniya ko un ka ye farman hai

ye chhua-chhut hai asl mein pur-KHatar is ka apne watan par hua ye asar

lakhon mare gae sirf is baat par jis ne aisa kiya hai wo nadan hai

ye mazahib to apni jagah hain magar ai 'nahif' is se insan hai be-KHabar

tu hai insan insan se pyar kar yahi insan sachche ki pahchan hai