hinsa ke pahle mujhe phir rula gaya ek shaKHs

hinsā ke pahle mujhe phir rulā gayā ik shaḳhs

fasāna kah ke fasāna banā gayā ik shaḳhs

dikhā ke ek jhalak apnī chashm-e-mai-gūñ se

mai-e-nashāt ye kaisī pilā gayā ik shaḳhs

kahūñ to kaise kahūñ ik ajiib manzar thā

nigār-ḳhāna-e-hastī sajā gayā ik shaḳhs

ḳhalish sī uThtī hai rah rah ke qalb-e-muztar meñ

thā kaisā tīr-e-nazar jo chubhā gayā ik shaḳhs

na jaane aa gayā dām-e-fareb meñ kaise

thā sabz baaġh jo mujh ko dikhā gayā ik shaḳhs

thī jis se sham-e-shabistān-e-zindagī raushan

jilā ke sham-e-mohabbat bujhā gayā ik shaḳhs

meñ us ko dekh ke hosh-o-havās kho baiThā

jab aayā hosh meñ uTh kar chalā gayā ik shaḳhs

ḳhumār jis kā abhī tak hai sar meñ 'barqī' ke

sharāb-e-shauq kā chaskā lagā gayā ik shaḳhs

hinsa ke pahle mujhe phir rula gaya ek shaKHs

fasana kah ke fasana bana gaya ek shaKHs

dikha ke ek jhalak apni chashm-e-mai-gun se

mai-e-nashat ye kaisi pila gaya ek shaKHs

kahun to kaise kahun ek ajib manzar tha

nigar-KHana-e-hasti saja gaya ek shaKHs

KHalish si uThti hai rah rah ke qalb-e-muztar mein

tha kaisa tir-e-nazar jo chubha gaya ek shaKHs

na jaane aa gaya dam-e-fareb mein kaise

tha sabz bagh jo mujh ko dikha gaya ek shaKHs

thi jis se sham-e-shabistan-e-zindagi raushan

jila ke sham-e-mohabbat bujha gaya ek shaKHs

mein us ko dekh ke hosh-o-hawas kho baiTha

jab aaya hosh mein uTh kar chala gaya ek shaKHs

KHumar jis ka abhi tak hai sar mein 'barqi' ke

sharab-e-shauq ka chaska laga gaya ek shaKHs