hirasan hun siyahi mein kami hoti nahin hai
hirāsāñ huuñ siyāhī meñ kamī hotī nahīñ hai
charāġhāñ kar rahā huuñ raushnī hotī nahīñ hai
bahut chāhā ki āñkheñ band kar ke maiñ bhī jī luuñ
magar mujh se basar yuuñ zindagī hotī nahīñ hai
lahū kā ek ik qatra pilātā jā rahā huuñ
agarche ḳhaak meñ paidā namī hotī nahīñ hai
darīchoñ ko khulā rakhtā huuñ maiñ har-vaqt lekin
havā meñ pahle jaisī tāzgī hotī nahīñ hai
maiñ rishvat ke masā.il par namāzeñ paḌh na paayā
badī ke saath mujh se bandagī hotī nahīñ hai
maiñ apne ahd kī tasvīr har-pal khīñchtā huuñ
ġhalat hai sochnā ye shā.irī hotī nahīñ hai
burā hai dushmanī se āshnā honā bhī 'ālam'
kisī se ab hamārī dostī hotī nahīñ hai
hirasan hun siyahi mein kami hoti nahin hai
charaghan kar raha hun raushni hoti nahin hai
bahut chaha ki aankhen band kar ke main bhi ji lun
magar mujh se basar yun zindagi hoti nahin hai
lahu ka ek ek qatra pilata ja raha hun
agarche KHak mein paida nami hoti nahin hai
darichon ko khula rakhta hun main har-waqt lekin
hawa mein pahle jaisi tazgi hoti nahin hai
main rishwat ke masail par namazen paDh na paya
badi ke sath mujh se bandagi hoti nahin hai
main apne ahd ki taswir har-pal khinchta hun
ghalat hai sochna ye shairi hoti nahin hai
bura hai dushmani se aashna hona bhi 'alam'
kisi se ab hamari dosti hoti nahin hai
- Book : Khayalabad (Pg. 81)
- Author : Alam khursheed
- Publication : Alam khursheed (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
