hisar-e-gham se nikal apni zindagani bacha

hisār-e-ġham se nikal apnī zindagānī bachā

nigāh-e-hijr meñ aa.ī huī javānī bachā

ye log pyaar ke hāsid haiñ mere qissa-go

kisī kī ek na sun tū faqat kahānī bachā

'ajīb ranj thā jis ne ye aañkh banjar kī

maiñ itnā royā mirī aañkh meñ na paanī bachā

har ek chiiz na ġhusse se kūḌe-dān meñ pheñk

qarār-e-dil ko bhī us kī koī nishānī bachā

ḳhizāñ rutoñ ne bhī barsoñ talak jalāyā mujhe

numū ko bhī na koī dast-e-bāġhbānī bachā

rafāqatoñ kā hasan aur kuchh nahīñ hāsil

bachā to dil meñ faqat ranj-e-rā.egānī bacha

hisar-e-gham se nikal apni zindagani bacha

nigah-e-hijr mein aai hui jawani bacha

ye log pyar ke hasid hain mere qissa-go

kisi ki ek na sun tu faqat kahani bacha

'ajib ranj tha jis ne ye aankh banjar ki

main itna roya meri aankh mein na pani bacha

har ek chiz na ghusse se kuDe-dan mein phenk

qarar-e-dil ko bhi us ki koi nishani bacha

KHizan ruton ne bhi barson talak jalaya mujhe

numu ko bhi na koi dast-e-baghbani bacha

rafaqaton ka hasan aur kuchh nahin hasil

bacha to dil mein faqat ranj-e-raegani bacha