hisar-e-qarya-e-KHunbar se nikalte hue
hisār-e-qarya-e-ḳhūñbār se nikalte hue
ye dil malūl thā āzār se nikalte hue
baḌī hī der talak dhuup mujh ko chhū na sakī
tumhāre sāya-e-dīvār se nikalte hue
ki phir se taḳht ko aanā thā mere qadmoñ meñ
maiñ pur-yaqīn thā darbār se nikalte hue
shuā-e-nūr ke phūTe se jaañ laraztī thī
tumhārī garmi-e-ruḳhsār se nikalte hue
tumhāre dhyān meñ gum ho ga.ī thī mahkī havā
hudūd-e-jāda-e-gulzār se nikalte hue
maiñ lauT aayā tujhe chhoḌ kar magar aadhā
vahīñ rahā dar-o-dīvār se nikalte hue
fazā meñ der talak ḳhuub jagmagāte 'shumār'
vo lafz shoḳhi-e-guftār se nikalte hue
hisar-e-qarya-e-KHunbar se nikalte hue
ye dil malul tha aazar se nikalte hue
baDi hi der talak dhup mujh ko chhu na saki
tumhaare saya-e-diwar se nikalte hue
ki phir se taKHt ko aana tha mere qadmon mein
main pur-yaqin tha darbar se nikalte hue
shua-e-nur ke phuTe se jaan larazti thi
tumhaari garmi-e-ruKHsar se nikalte hue
tumhaare dhyan mein gum ho gai thi mahki hawa
hudud-e-jada-e-gulzar se nikalte hue
main lauT aaya tujhe chhoD kar magar aadha
wahin raha dar-o-diwar se nikalte hue
faza mein der talak KHub jagmagate 'shumar'
wo lafz shoKHi-e-guftar se nikalte hue
- Book : aap saa nahi.n ko.ii (Pg. 30)
- Author : akhtar shumaar
- Publication : ilm v irfaan publishar (2001)
- Edition : 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
