hisar-e-zat se bahar nikal jaane ki Thani hai

hisār-e-zāt se bāhar nikal jaane kī Thānī hai

zarā maiñ bhī to dekhūñ mujh meñ kitnī be-karānī hai

kisī se pūchhte kyā ho jabīnoñ par nazar Daalo

lakīreñ ḳhud kaheñgī kis ne kitnī ḳhaak chhānī hai

fareb-e-bāl-o-par meñ qaid hai ehsās kā taa.ir

shu.ūr-o-āgahī par bhī qafas kī hukmrānī hai

matā-e-ārzū ashkoñ kī sūrat aañkh meñ aa kar

Thahar jaa.e to gauhar hai jo bah jaa.e to paanī hai

kināre se nikal kar chāhtī hai be-karāñ honā

nafas kī rau hai yā shorīda dariyā kī ravānī hai

sivā.e gard-e-rāh-e-shauq kyā rakkhā hai qisse meñ

hamārī zindagī ḳhāna-ba-doshoñ kī kahānī hai

mirī āñkhoñ se mehr-o-māh paiham baat karte haiñ

mire paikar meñ raushan ik jahān-e-ḳhush-gumānī hai

sulūk-e-dostāñ par raaz tum hairat-zada kyuuñ ho

na.e haiñ zaḳhm-e-jāñ lekin rivāyat to purānī hai

hisar-e-zat se bahar nikal jaane ki Thani hai

zara main bhi to dekhun mujh mein kitni be-karani hai

kisi se puchhte kya ho jabinon par nazar Dalo

lakiren KHud kahengi kis ne kitni KHak chhani hai

fareb-e-baal-o-par mein qaid hai ehsas ka tair

shuur-o-agahi par bhi qafas ki hukmrani hai

mata-e-arzu ashkon ki surat aankh mein aa kar

Thahar jae to gauhar hai jo bah jae to pani hai

kinare se nikal kar chahti hai be-karan hona

nafas ki rau hai ya shorida dariya ki rawani hai

siwae gard-e-rah-e-shauq kya rakkha hai qisse mein

hamari zindagi KHana-ba-doshon ki kahani hai

meri aankhon se mehr-o-mah paiham baat karte hain

mere paikar mein raushan ek jahan-e-KHush-gumani hai

suluk-e-dostan par raaz tum hairat-zada kyun ho

nae hain zaKHm-e-jaan lekin riwayat to purani hai