ho agar dida-e-tar husn-e-nazar khulta hai

ho agar dīda-e-tar husn-e-nazar khultā hai

shauq-e-nazzāra se ehsās kā dar khultā hai

puurī paḌtī hī nahīñ un ko ridā-e-ġhurbat

paañv Dhak jaa.eñ agar un ke to sar khultā hai

ajnabiyyat kī vo dīvāreñ uThā.e jaa.eñ

un meñ dar khultā hai kab ahl-e-nazar khultā hai

dil samajhtā hai ki āsūdgī manzil par hai

dekhnā ye hai kahāñ bār-e-safar khultā hai

mauja-e-shauq bhī ruḳh apnā badal le ai kaash

bādbāñ kashtī-e-ulfat kā jidhar khultā hai

husn-e-ḳhud-bīn-o-ḳhud-ārā hai mizājan phir bhī

shāz-o-nādir hī vo khultā hai agar khultā hai

rahguzar fikr-o-nazar kī na ho 'rāhī' mahdūd

ḳhizr hoñ saath to imkān-e-safar khultā hai

ho agar dida-e-tar husn-e-nazar khulta hai

shauq-e-nazzara se ehsas ka dar khulta hai

puri paDti hi nahin un ko rida-e-ghurbat

panw Dhak jaen agar un ke to sar khulta hai

ajnabiyyat ki wo diwaren uThae jaen

un mein dar khulta hai kab ahl-e-nazar khulta hai

dil samajhta hai ki aasudgi manzil par hai

dekhna ye hai kahan bar-e-safar khulta hai

mauja-e-shauq bhi ruKH apna badal le ai kash

baadban kashti-e-ulfat ka jidhar khulta hai

husn-e-KHud-bin-o-KHud-ara hai mizajan phir bhi

shaz-o-nadir hi wo khulta hai agar khulta hai

rahguzar fikr-o-nazar ki na ho 'rahi' mahdud

KHizr hon sath to imkan-e-safar khulta hai