ho agar mere yar aa jao

ho agar mere yaar aa jaao

hai mujhe intizār aa jaao

maiñ bhī huuñ be-qarār aa jaao

tum bhī ho dil-figār aa jaao

ho ke dosh-e-sabā pe aaj savār

gar na ho nāgavār aa jaao

maiñ huuñ dīvāna-vār tum pe fidā

ho agar e'tibār aa jaao

maiñ huuñ is paar aur tum us paar

toḌ kar ye hisār aa jaao

hai tumhārī shikast merī shikast

maan lūñgā maiñ haar aa jaao

maiñ tumhārī karūñgā dil-jūī

tum ho kyuuñ ashk-bār aa jaao

aaj 'barqī' hai gosh-bar-āvāz

tum bajāte sitār aa jaao

ho agar mere yar aa jao

hai mujhe intizar aa jao

main bhi hun be-qarar aa jao

tum bhi ho dil-figar aa jao

ho ke dosh-e-saba pe aaj sawar

gar na ho nagawar aa jao

main hun diwana-war tum pe fida

ho agar e'tibar aa jao

main hun is par aur tum us par

toD kar ye hisar aa jao

hai tumhaari shikast meri shikast

man lunga main haar aa jao

main tumhaari karunga dil-jui

tum ho kyun ashk-bar aa jao

aaj 'barqi' hai gosh-bar-awaz

tum bajate sitar aa jao