ho gae sahrai qismat aazmane ke liye

ho ga.e sahrā.ī qismat āzmāne ke liye

ghar kā āñgan chhoḌ aa.e ghar banāne ke liye

ek sajda ḳhair-o-shar ke darmiyāñ thā faisla

ek pal faisal huā saare zamāne ke liye

apne ehsāsāt kyā apnī guzar-auqāt kyā

ashk piine ke liye haiñ zaḳhm khāne ke liye

shaah ke mahloñ meñ shīrīñ qaid ho kar rah ga.ī

ham hue farhād bas nahreñ bahāne ke liye

aap ne to saarī bastī meñ charāġhāñ kar diyā

ik diyā kaafī thā merā ghar jalāne ke liye

thī haqīqat aur hī kuchh ḳhush-gumānī aur kuchh

us ne merā naam likkhā thā miTāne ke liye

ishq vāloñ kā zamāne se alag dastūr hai

dil kī baazī khelte haiñ haar jaane ke liye

qāfile vaalo tumheñ ma.alūm hai rāz-e-safar

rāhzan rakkhe ga.e rasta dikhāne ke liye

saare jangal meñ lagī hai aag to kis se kaheñ

ham ne kuchh tinke chune the āshiyāne ke liye

ho gae sahrai qismat aazmane ke liye

ghar ka aangan chhoD aae ghar banane ke liye

ek sajda KHair-o-shar ke darmiyan tha faisla

ek pal faisal hua sare zamane ke liye

apne ehsasat kya apni guzar-auqat kya

ashk pine ke liye hain zaKHm khane ke liye

shah ke mahlon mein shirin qaid ho kar rah gai

hum hue farhad bas nahren bahane ke liye

aap ne to sari basti mein charaghan kar diya

ek diya kafi tha mera ghar jalane ke liye

thi haqiqat aur hi kuchh KHush-gumani aur kuchh

us ne mera nam likkha tha miTane ke liye

ishq walon ka zamane se alag dastur hai

dil ki bazi khelte hain haar jaane ke liye

qafile walo tumhein malum hai raaz-e-safar

rahzan rakkhe gae rasta dikhane ke liye

sare jangal mein lagi hai aag to kis se kahen

hum ne kuchh tinke chune the aashiyane ke liye