ho gae yar parae apne

ho ga.e yaar parā.e apne

jism apne haiñ na saa.e apne

pher liiñ us ne bhī nazreñ āḳhir

vaqt par kaam na aa.e apne

vo jo badlā to zamāna badlā

rañg duniyā ne dikhā.e apne

ajnabī lagtī hai apnī sūrat

ho ga.e naqsh parā.e apne

kiiñ shumār apnī jafā.eñ us ne

jurm sab ham ne ginā.e apne

har ghaḌī svāñg rachāyā ham ne

us ne sau rañg dikhā.e apne

e'tibār aa.e bhī kaise us kā

baat jo dil ko na bhaa.e apne

kyā kaheñ mahv-e-safar haiñ kab se

jism kā bojh uThā.e apne

muntazir bazm-e-suḳhan thī 'ḳhusrav'

sham.a kab sāmne aa.e apne

ho gae yar parae apne

jism apne hain na sae apne

pher lin us ne bhi nazren aaKHir

waqt par kaam na aae apne

wo jo badla to zamana badla

rang duniya ne dikhae apne

ajnabi lagti hai apni surat

ho gae naqsh parae apne

kin shumar apni jafaen us ne

jurm sab hum ne ginae apne

har ghaDi swang rachaya hum ne

us ne sau rang dikhae apne

e'tibar aae bhi kaise us ka

baat jo dil ko na bhae apne

kya kahen mahw-e-safar hain kab se

jism ka bojh uThae apne

muntazir bazm-e-suKHan thi 'KHusraw'

shama kab samne aae apne