ho gai sham chamakte hain diye pani par

ho ga.ī shaam chamakte haiñ diye paanī par

haath rakh de mirī taptī huī peshānī par

garm aahoñ se jhulastī hai kitāb-e-ehsās

naala aatā hai mirī soḳhta-sāmānī par

ik musāfir pe sitam dhuup ke tauba tauba

ik shajar vo bhī utar aaya hai man-mānī par

ab kahāñ nargisī āñkhoñ meñ sharārat kā shu.ūr

ab kahāñ jashn-e-tabassum tirī nādānī par

mujh se mat maañg mirī umr-e-gurezāñ kā hisāb

phuul hañste haiñ mire zaḳhm kī uryānī par

āḳhirash un ke diyoñ ko bhī havā rauñd ga.ī

naaz thā jin ko havāoñ kī nigahbānī par

sang ko gauhar-e-nāyāb samajhte rahnā

ma.azarat dīda-e-nā-ḳhūb kī nādānī par

saaf ashkoñ ke chhalakne se huā shīsha-e-dil

jaise chaltī ho koī mauj-e-havā paanī par

kyā hue chashm-e-zuleḳhā vo suhāne sapne

misr kyoñ baar hai ab yūsuf-e-kan'ānī par

chashm-o-abrū lab-o-ruḳhsār jabīn-o-kākul

kis ne rakkhī hai har ik shai had-e-imkānī par

kufr to aaj bhī hai daulat-e-īmāñ kā raqīb

kyā musalmān bhī qaa.em hai musalmānī par

mere hisse meñ rahī sirf adā-e-e'rāz

dard ko daad milī merī ġhazal-ḳhvānī par

jhiil par kaun chalā aaya hai 'bazmī' sar-e-shām

aks-e-mahtāb laraztā sā lagā paanī par

ho gai sham chamakte hain diye pani par

hath rakh de meri tapti hui peshani par

garm aahon se jhulasti hai kitab-e-ehsas

nala aata hai meri soKHta-samani par

ek musafir pe sitam dhup ke tauba tauba

ek shajar wo bhi utar aaya hai man-mani par

ab kahan nargisi aankhon mein shararat ka shuur

ab kahan jashn-e-tabassum teri nadani par

mujh se mat mang meri umr-e-gurezan ka hisab

phul hanste hain mere zaKHm ki uryani par

aaKHirash un ke diyon ko bhi hawa raund gai

naz tha jin ko hawaon ki nigahbani par

sang ko gauhar-e-nayab samajhte rahna

mazarat dida-e-na-KHub ki nadani par

saf ashkon ke chhalakne se hua shisha-e-dil

jaise chalti ho koi mauj-e-hawa pani par

kya hue chashm-e-zuleKHa wo suhane sapne

misr kyon bar hai ab yusuf-e-kan'ani par

chashm-o-abru lab-o-ruKHsar jabin-o-kakul

kis ne rakkhi hai har ek shai had-e-imkani par

kufr to aaj bhi hai daulat-e-iman ka raqib

kya musalman bhi qaem hai musalmani par

mere hisse mein rahi sirf ada-e-e'raaz

dard ko dad mili meri ghazal-KHwani par

jhil par kaun chala aaya hai 'bazmi' sar-e-sham

aks-e-mahtab larazta sa laga pani par