ho gaya hun har taraf bad-nam tere shahr mein
ho gayā huuñ har taraf bad-nām tere shahr meñ
ye milā hai pyaar kā in.aam tere shahr meñ
jab sunahrī chūḌiyāñ bajtī haiñ dil ke saaz par
nāchtī hai gardish-e-ayyām tere shahr meñ
is qadar pābandiyāñ āḳhir ye kyā andher hai
le nahīñ sakte tirā hī naam tere shahr meñ
ab to yādoñ ke ufuq par chāñd ban kar muskurā
rote rote ho ga.ī hai shaam tere shahr meñ
kab khulegā tere mai-ḳhāne kā dar mere liye
phir rahā huuñ le ke ḳhālī jaam tere shahr meñ
ek dīvāne ne kar lī ḳhud-kushī pichhle pahar
aa gayā āḳhir use ārām tere shahr meñ
'prem' yūsuf to nahīñ lekin ba-andāz-e-digar
ho chukā hai bār-hā nīlām tere shahr meñ
ho gaya hun har taraf bad-nam tere shahr mein
ye mila hai pyar ka inam tere shahr mein
jab sunahri chuDiyan bajti hain dil ke saz par
nachti hai gardish-e-ayyam tere shahr mein
is qadar pabandiyan aaKHir ye kya andher hai
le nahin sakte tera hi nam tere shahr mein
ab to yaadon ke ufuq par chand ban kar muskura
rote rote ho gai hai sham tere shahr mein
kab khulega tere mai-KHane ka dar mere liye
phir raha hun le ke KHali jam tere shahr mein
ek diwane ne kar li KHud-kushi pichhle pahar
aa gaya aaKHir use aaram tere shahr mein
'prem' yusuf to nahin lekin ba-andaz-e-digar
ho chuka hai bar-ha nilam tere shahr mein
- Book : Khushbu Ka Khwab (Pg. 98)
- Author : Prem Warbartani
- Publication : Miss V. D. Kakkad (1976)
- Edition : 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
