ho jo mumkin to gaya waqt bulaun wapas

ho jo mumkin to gayā vaqt bulā.ūñ vāpas

zindagī phir se tujhe DhūñD ke lā.ūñ vāpas

kuchh tire naqsh jo āñkhoñ meñ chhupā rakkhe the

sochtā huuñ inheñ paanī meñ bahā.ūñ vāpas

ek hī qatl se us shaḳhs ne kar lī tauba

ai ḳhudā terī qasam sar ko jhukā.ūñ vāpas

rog to rog hai kab tak maiñ uThā.ūñ is ko

kyā tumheñ 'ahd-e-vafā yaad dilā.ūñ vāpas

koī hamdam nahīñ sāthī nahīñ tanhā.ī hai

kyoñ na us shaḳhs ke phir naaz uThā.ūñ vāpas

vo to aa.e the ga.e jaan se ḳhālī kar ke

kyā zarūrī hai ki maiñ jaan meñ jā.ūñ vāpas

merī taqdīr ki ab vo bhī nahīñ haiñ apne

zaḳhm hī zaḳhm haiñ kāñToñ pe lagā.ūñ vāpas

ab yahāñ kuchh bhī nahīñ kuchh bhī nahīñ hai 'barham'

ab tire shahr meñ kis ke liye aa.uuñ vāpas

ho jo mumkin to gaya waqt bulaun wapas

zindagi phir se tujhe DhunD ke laun wapas

kuchh tere naqsh jo aankhon mein chhupa rakkhe the

sochta hun inhen pani mein bahaun wapas

ek hi qatl se us shaKHs ne kar li tauba

ai KHuda teri qasam sar ko jhukaun wapas

rog to rog hai kab tak main uThaun is ko

kya tumhein 'ahd-e-wafa yaad dilaun wapas

koi hamdam nahin sathi nahin tanhai hai

kyon na us shaKHs ke phir naz uThaun wapas

wo to aae the gae jaan se KHali kar ke

kya zaruri hai ki main jaan mein jaun wapas

meri taqdir ki ab wo bhi nahin hain apne

zaKHm hi zaKHm hain kanTon pe lagaun wapas

ab yahan kuchh bhi nahin kuchh bhi nahin hai 'barham'

ab tere shahr mein kis ke liye aaun wapas