ho kash ye shuur ki hain mehman kahin

ho kaash ye shu.ūr ki haiñ mehmāñ kahīñ

ehsās-e-mezbāñ pe na ham hoñ girāñ kaheñ

ye bhī ḳhayāl rakhte haiñ kuchh zākirān-e-haq

kahtī na ho kuchh aur amal kī zabāñ kahīñ

ham āshnā-e-zāt vo begāna-e-sifāt

ye baat dostī ke hai shāyān-e-shāñ kahīñ

irfān-e-haq ke haq meñ milī hai ḳhirad hameñ

daulat ye be-panāh na ho rā.egāñ kahīñ

chashm-e-talab meñ koī samā.e muhāl ye

husn-e-razā-e-yār nazar aa.e haañ kahīñ

rāh-e-vafā meñ is liye phirtā huuñ sar-ba-kaf

mil jaa.e kab vo dushman-e-ārām-e-jāñ kahīñ

terī talab nahīñ hai mirī jaañ ki jā sake

letā hai is tarah bhī koī imtihāñ kahīñ

ham rah-ravān-e-shauq haiñ manzil kī fikr kyā

le jaa.eñ naqsh-e-pā tire ham ko jahāñ kahīñ

karte nahīñ kisī pe ayaañ ham ki ai 'salīm'

darmān-e-zindagī ho ye dard-e-nihāñ kahīñ

ho kash ye shuur ki hain mehman kahin

ehsas-e-mezban pe na hum hon giran kahen

ye bhi KHayal rakhte hain kuchh zakiran-e-haq

kahti na ho kuchh aur amal ki zaban kahin

hum aashna-e-zat wo begana-e-sifat

ye baat dosti ke hai shayan-e-shan kahin

irfan-e-haq ke haq mein mili hai KHirad hamein

daulat ye be-panah na ho raegan kahin

chashm-e-talab mein koi samae muhaal ye

husn-e-raza-e-yar nazar aae han kahin

rah-e-wafa mein is liye phirta hun sar-ba-kaf

mil jae kab wo dushman-e-aram-e-jaan kahin

teri talab nahin hai meri jaan ki ja sake

leta hai is tarah bhi koi imtihan kahin

hum rah-rawan-e-shauq hain manzil ki fikr kya

le jaen naqsh-e-pa tere hum ko jahan kahin

karte nahin kisi pe ayan hum ki ai 'salim'

darman-e-zindagi ho ye dard-e-nihan kahin