ho kashf-e-nazar hum pe to ho jae ayan aur

ho kashf-e-nazar ham pe to ho jaa.e ayaañ aur

dīdār musalsal ho samāñ par ho samāñ aur

ho kun-fa-yakūn aur chale kār-e-zamāñ aur

paidā na.e taare hoñ munavvar ho jahāñ aur

hoñ mahr-o-mah-o-najm mire paañv ke nīche

hoñ ḳhuld se uupar bhī bahut kaun-o-makāñ aur

ho raḳht-e-safar sūrat-e-burrāq hamārā

me.arāj pe me.arāj ho har roz yahāñ aur

gardish ho ishāroñ pe mire shams-o-qamar kī

bāñTūñ maiñ har ik fard ko ik umr-e-ravāñ aur

ḳhaliyoñ meñ jo ghaḌiyāñ haiñ vo qaabū meñ hoñ apne

dil aa.e to piirī ho dil aa.e to javāñ aur

ho pairahan-e-sub.h meñ sadiyoñ kā ujālā

ho phir na kabhī shaam kī laalī meñ fuġhāñ aur

ho masjid-e-nabvī mirī āvāz bilālī

vo sāmne baiThe hoñ maiñ duuñ ek azaañ aur

'safvat' sar-e-fihrist haiñ go lauh-e-taḳhayyul

kahte haiñ ki 'ġhālib' kā hai andāz-e-bayāñ aur

ho kashf-e-nazar hum pe to ho jae ayan aur

didar musalsal ho saman par ho saman aur

ho kun-fa-yakun aur chale kar-e-zaman aur

paida nae tare hon munawwar ho jahan aur

hon mahr-o-mah-o-najm mere panw ke niche

hon KHuld se upar bhi bahut kaun-o-makan aur

ho raKHt-e-safar surat-e-burraq hamara

mearaj pe mearaj ho har roz yahan aur

gardish ho ishaaron pe mere shams-o-qamar ki

banTun main har ek fard ko ek umr-e-rawan aur

KHaliyon mein jo ghaDiyan hain wo qabu mein hon apne

dil aae to piri ho dil aae to jawan aur

ho pairahan-e-subh mein sadiyon ka ujala

ho phir na kabhi sham ki lali mein fughan aur

ho masjid-e-nabwi meri aawaz bilali

wo samne baiThe hon main dun ek azan aur

'safwat' sar-e-fihrist hain go lauh-e-taKHayyul

kahte hain ki 'ghaalib' ka hai andaz-e-bayan aur