ho ke aaina muqabil bhi raha rad ki nahin

ho ke ā.īna muqābil bhī rahā rad ki nahīñ

darmiyāñ aaj bhī hai hijr kī sarhad ki nahīñ

dil-barāñ yūñhī na thī kufr-parastī dil kī

ftina-e-sub.h-e-qayāmat hai tirā qad ki nahīñ

haañ batā vahm se katrā.e hue husn-e-yaqīñ

nañg-e-tahqīq huī rasm-e-ab-o-jad ki nahīñ

dil se us rashk-e-charāġh-e-harm-o-dair ke ba.ad

hai vahī vahshat-e-tārīkī-e-ma.abad kī nahīñ

zindagī aaj talak merī tamannā-gah meñ

tere kuchh kaam bhī aa.ī hai ḳhushāmad ki nahīñ

hairateñ aap bhulā baiThī thiiñ tai kar ke jinheñ

ā.ina-ḳhānoñ meñ raa.ij hai vo abjad ki nahīñ

ishq meñ kaun muqābil thā mire kis pe khule

mansab-e-qais kī ḳhvāhāñ hai ye masnad ki nahīñ

ho ke aaina muqabil bhi raha rad ki nahin

darmiyan aaj bhi hai hijr ki sarhad ki nahin

dil-baran yunhi na thi kufr-parasti dil ki

ftina-e-subh-e-qayamat hai tera qad ki nahin

han bata wahm se katrae hue husn-e-yaqin

nang-e-tahqiq hui rasm-e-ab-o-jad ki nahin

dil se us rashk-e-charagh-e-harm-o-dair ke baad

hai wahi wahshat-e-tariki-e-mabad ki nahin

zindagi aaj talak meri tamanna-gah mein

tere kuchh kaam bhi aai hai KHushamad ki nahin

hairaten aap bhula baiThi thin tai kar ke jinhen

aaina-KHanon mein raij hai wo abjad ki nahin

ishq mein kaun muqabil tha mere kis pe khule

mansab-e-qais ki KHwahan hai ye masnad ki nahin