ho ke aashiq jaan marne se churae kis liye

ho ke āshiq jaan marne se churā.e kis liye

mard-e-maidāñ jo na ho maidāñ meñ aa.e kis liye

jo dil-o-īmāñ na diiñ nazr un butoñ ko dekh kar

yā-ḳhudā vo log is duniyā meñ aa.e kis liye

hai ye andāz-e-hayā aur tarz-e-tamkīñ kyuuñ nahīñ

jo na hove chor vo āñkheñ churā.e kis liye

dekhiye kis jannatī ke aaj khulte haiñ nasīb

teġh kyuuñ tole haiñ ye chille chaḌhā.e kis liye

uñgliyāñ apne par uThvānī na hoñ manzūr to

vo kisī ko aam mahfil se uThā.e kis liye

us ke pech-o-ḳham se jīte-jī nikalnā hai muhāl

hazrat-e-'kaifī' tum is kūche meñ aa.e kis liye

ho ke aashiq jaan marne se churae kis liye

mard-e-maidan jo na ho maidan mein aae kis liye

jo dil-o-iman na din nazr un buton ko dekh kar

ya-KHuda wo log is duniya mein aae kis liye

hai ye andaz-e-haya aur tarz-e-tamkin kyun nahin

jo na howe chor wo aankhen churae kis liye

dekhiye kis jannati ke aaj khulte hain nasib

tegh kyun tole hain ye chille chaDhae kis liye

ungliyan apne par uThwani na hon manzur to

wo kisi ko aam mahfil se uThae kis liye

us ke pech-o-KHam se jite-ji nikalna hai muhaal

hazrat-e-'kaifi' tum is kuche mein aae kis liye