ho ke mayus uTh gae dar se

ho ke māyūs uTh ga.e dar se

hausle dhuup ke mire ghar se

tere ehsān kā javāb nahīñ

baar utrā na phir kabhī sar se

jhuk ke miltā hai jo ġharīboñ se

vo to ūñchā hai har qad-āvar se

tum to bāhar se joḌte ho mujhe

maiñ to TuuTā huā huuñ andar se

kitnā fāqoñ meñ lutf aatā hai

pūchh luuñ kyā kisī qalandar se

ik farishta bashar ke huliye meñ

mil gayā hai mujhe muqaddar se

jism koī judā nahīñ miltā

jism haiñ saare sang-e-marmar se

DhūñDne aa.e the shab-e-ġham ko

ḳhalvatoñ meñ sharāb ko tarse

suunī haiñ yaar bin guzargāheñ

dard kī aañkh se lahū barse

bad-gumānī bhī ho ga.ī zāhir

tere andar se tere bāhar se

ḳhvāb hote haiñ TūTne ke liye

aaj tābīr-e-ḳhvāb ko tarse

'ishq aur 'āshiqī se us ko kyā

aur kyā sunte us suḳhanvar se

ho ke mayus uTh gae dar se

hausle dhup ke mere ghar se

tere ehsan ka jawab nahin

bar utra na phir kabhi sar se

jhuk ke milta hai jo gharibon se

wo to uncha hai har qad-awar se

tum to bahar se joDte ho mujhe

main to TuTa hua hun andar se

kitna faqon mein lutf aata hai

puchh lun kya kisi qalandar se

ek farishta bashar ke huliye mein

mil gaya hai mujhe muqaddar se

jism koi juda nahin milta

jism hain sare sang-e-marmar se

DhunDne aae the shab-e-gham ko

KHalwaton mein sharab ko tarse

suni hain yar bin guzargahen

dard ki aankh se lahu barse

bad-gumani bhi ho gai zahir

tere andar se tere bahar se

KHwab hote hain TuTne ke liye

aaj tabir-e-KHwab ko tarse

'ishq aur 'ashiqi se us ko kya

aur kya sunte us suKHanwar se