ho lag darmiyan to koi dil bhi tab lagae

ho laag darmiyāñ to koī dil bhī tab lagā.e

baiThe raho umiid yūñhī be-sabab lagā.e

jo qarz-e-hijr sauñp gayā 'umr ke 'evaz

shart-e-visāl us se kahīñ be-talab lagā.e

kis jeb-e-ehtiyāt meñ rakkheñ matā-e-dil

baiThā nahīñ kahāñ pe vo rahzan naqab lagā.e

khultā nahīñ hai uqda shab-e-intizār kā

yāroñ ne daav pech yahāñ sab ke sab lagā.e

chāroñ taraf hai aag magar darmiyān-e-shahr

baiThā hai yaar majlis-e-jashn-e-tarab lagā.e

bāzār-e-'ishq sard paḌā nazr-e-jāñ ke baa'd

ab koī naqd-e-nām yā naqd-e-nasab lagā.e

phirte haiñ le ke bint-e-fasāhat ko mīrzā

apne ta.iiñ ḳhudā-e-suḳhan kā laqab lagā.e

is ḳhvāñcha-e-suḳhan pe to 'sarmad' guzar nahīñ

us se kaheñ hameñ vo kisī aur Dhab lagā.e

ho lag darmiyan to koi dil bhi tab lagae

baiThe raho umid yunhi be-sabab lagae

jo qarz-e-hijr saunp gaya 'umr ke 'ewaz

shart-e-visal us se kahin be-talab lagae

kis jeb-e-ehtiyat mein rakkhen mata-e-dil

baiTha nahin kahan pe wo rahzan naqab lagae

khulta nahin hai uqda shab-e-intizar ka

yaron ne daw pech yahan sab ke sab lagae

chaaron taraf hai aag magar darmiyan-e-shahr

baiTha hai yar majlis-e-jashn-e-tarab lagae

bazar-e-'ishq sard paDa nazr-e-jaan ke ba'd

ab koi naqd-e-nam ya naqd-e-nasab lagae

phirte hain le ke bint-e-fasahat ko mirza

apne tain KHuda-e-suKHan ka laqab lagae

is KHwancha-e-suKHan pe to 'sarmad' guzar nahin

us se kahen hamein wo kisi aur Dhab lagae