ho na jae wo kahin ishq mein ruswa aaKHir

ho na jaa.e vo kahīñ 'ishq meñ rusvā āḳhir

maiñ ne kuchh soch ke hī badlā hai rastā āḳhir

dasht-o-sahrā hī muqaddar hai to phir Dar kaisā

maiñ na ruktā to koī aur Thahartā āḳhir

ab agar chāhe to mujh se vo judā ho jaa.e

ab mujhe hijr bhī us kā hai gavāra āḳhir

log matlab se nibhāte haiñ yahāñ rishtoñ ko

kyoñ na TuuTe bhalā rishtoñ kā ye dhāgā āḳhir

ye shab-e-hijr ye tanhā.ī to thī merā nasīb

mil gayā mujh ko bhī taqdīr kā likkhā āḳhir

koī rahbar nazar aayā na jahāñ se mujh ko

is do-rāhe pe khaḌā huuñ tane-tanhā āḳhir

jab use raas na aa.ī mirī chāhat 'shamshād'

phir bhalā kaise karūñ us kī tamanna āḳhir

ho na jae wo kahin 'ishq mein ruswa aaKHir

main ne kuchh soch ke hi badla hai rasta aaKHir

dasht-o-sahra hi muqaddar hai to phir Dar kaisa

main na rukta to koi aur Thaharta aaKHir

ab agar chahe to mujh se wo juda ho jae

ab mujhe hijr bhi us ka hai gawara aaKHir

log matlab se nibhate hain yahan rishton ko

kyon na TuTe bhala rishton ka ye dhaga aaKHir

ye shab-e-hijr ye tanhai to thi mera nasib

mil gaya mujh ko bhi taqdir ka likkha aaKHir

koi rahbar nazar aaya na jahan se mujh ko

is do-rahe pe khaDa hun tane-tanha aaKHir

jab use ras na aai meri chahat 'shamshad'

phir bhala kaise karun us ki tamanna aaKHir