ho nahin pai hai nuqsan ki talafi ab tak

ho nahīñ paa.ī hai nuqsāñ kī talāfī ab tak

bhuul paa.e nahīñ guzrā huā maazī ab tak

bas ga.e shahr meñ fitrat nahīñ badlī ab tak

aisā lagtā hai ki insān hai vahshī ab tak

ab ye jaanā bhī koī jaanā hai jaane vaale

hai tire hone kī har ek nishānī ab tak

aur ab kyā use murda hī banā Dāloge

kam vahī kyā hai jo kuchh dil pe hai guzrī ab tak

vaqt thā kaun sā lamha jo ḳhatā kar baiThā

kyoñ ye jaarī hai tabāhī pe tabāhī ab tak

tū ne māñgā hī nahīñ māñgne vāloñ kī tarah

varna rahtī nahīñ ḳhālī tirī jholī ab tak

ai qayāmat tū abhī duur hī rahnā kuchh roz

ham to chaḌh paa.e haiñ bas pahlī hī sīḌhī ab tak

terī mehnat meñ nahīñ koī kamī ai 'jāved'

ho nahīñ paa.ī hai allāh kī marzī ab tak

ho nahin pai hai nuqsan ki talafi ab tak

bhul pae nahin guzra hua mazi ab tak

bas gae shahr mein fitrat nahin badli ab tak

aisa lagta hai ki insan hai wahshi ab tak

ab ye jaana bhi koi jaana hai jaane wale

hai tere hone ki har ek nishani ab tak

aur ab kya use murda hi bana Daloge

kam wahi kya hai jo kuchh dil pe hai guzri ab tak

waqt tha kaun sa lamha jo KHata kar baiTha

kyon ye jari hai tabahi pe tabahi ab tak

tu ne manga hi nahin mangne walon ki tarah

warna rahti nahin KHali teri jholi ab tak

ai qayamat tu abhi dur hi rahna kuchh roz

hum to chaDh pae hain bas pahli hi siDhi ab tak

teri mehnat mein nahin koi kami ai 'jawed'

ho nahin pai hai allah ki marzi ab tak