ho sai-e-talab ya tark-e-talab har ek mein rahe nakaam se hum

ho sa.ī-e-talab yā tark-e-talab har ik meñ rahe nākām se ham

ārām kī ḳhātir kyā na kiyā mahrūm rahe ārām se ham

tābinda hai jis se shahr-e-butāñ mausūm to haiñ us naam se ham

phirte haiñ dayār-e-jānāñ meñ har chand baḌe badnām se ham

ik roz ye rasm-e-shahr-e-sanam hogī ye hameñ ma.alūm na thā

vo naam ḳhatā-kāroñ meñ hai mausūm hue jis naam se ham

kyā hāl-e-shab-e-furqat hogā kyā rang-e-shab-e-hijrāñ hogā

be-āb-o-pareshāñ āshufta ranjūr haiñ phirte shaam se ham

ham ahl-e-junūñ ab ahl-e-sitam kī saf meñ gine jaate haiñ jahāñ

aa.e the samajh kar ghar apnā be-fikr the par anjām se ham

ruḳh aisā havā kā kuchh palTā jo honā nahīñ thā phir vo huā

mumkin thā jahāñ tak koshish kī par bach na sake ilzām se ham

kuchh kaam na aaya jazba-e-dil be-sūd ḳhulūs-e-shauq 'zubair'

ummīd vahāñ kis se rakkheñ yaad aa.eñ jahāñ dushnām se ham

ho sai-e-talab ya tark-e-talab har ek mein rahe nakaam se hum

aaram ki KHatir kya na kiya mahrum rahe aaram se hum

tabinda hai jis se shahr-e-butan mausum to hain us nam se hum

phirte hain dayar-e-jaanan mein har chand baDe badnam se hum

ek roz ye rasm-e-shahr-e-sanam hogi ye hamein malum na tha

wo nam KHata-karon mein hai mausum hue jis nam se hum

kya haal-e-shab-e-furqat hoga kya rang-e-shab-e-hijran hoga

be-ab-o-pareshan aashufta ranjur hain phirte sham se hum

hum ahl-e-junun ab ahl-e-sitam ki saf mein gine jate hain jahan

aae the samajh kar ghar apna be-fikr the par anjam se hum

ruKH aisa hawa ka kuchh palTa jo hona nahin tha phir wo hua

mumkin tha jahan tak koshish ki par bach na sake ilzam se hum

kuchh kaam na aaya jazba-e-dil be-sud KHulus-e-shauq 'zubair'

ummid wahan kis se rakkhen yaad aaen jahan dushnam se hum