hone ka etibar nahin kar rahe hain log
hone kā e'tibār nahīñ kar rahe haiñ log
ab ḳhud ko iḳhtiyār nahīñ kar rahe haiñ log
ab ishq aur dasht ḳhasāre meñ haiñ miyāñ
ab dil kā kārobār nahīñ kar rahe haiñ log
tayyār hai tamāshā dikhāne ko ek shaḳhs
māhaul sāzgār nahīñ kar rahe haiñ log
ab hai nizām-e-ishq meñ tarmīm kā chalan
tāroñ kā bhī shumār nahīñ kar rahe haiñ log
hairān huuñ ki itnī riyāzat ke bāvajūd
kyuuñ vaqt ko ġhubār nahīñ kar rahe haiñ log
ḳhush huuñ ki āsmāñ se hai qaa.em zamīñ kā rabt
dukh hai ki pā.edār nahīñ kar rahe haiñ log
shāyad ki merī maut kā elaan ho chukā
ab mujh pe koī vaar nahīñ kar rahe haiñ log
aage kī dauḌ meñ hue mahdūd is tarah
maazī pe eqtidār nahīñ kar rahe haiñ log
ai yaar apne husn pe kuchh ḳhaak Daal de
ab ishq iḳhtiyār nahīñ kar rahe haiñ log
ab nisf shab nikalte haiñ be-ḳhauf kaam par
sūraj kā intizār nahīñ kar rahe haiñ log
hone ka e'tibar nahin kar rahe hain log
ab KHud ko iKHtiyar nahin kar rahe hain log
ab ishq aur dasht KHasare mein hain miyan
ab dil ka karobar nahin kar rahe hain log
tayyar hai tamasha dikhane ko ek shaKHs
mahaul sazgar nahin kar rahe hain log
ab hai nizam-e-ishq mein tarmim ka chalan
taron ka bhi shumar nahin kar rahe hain log
hairan hun ki itni riyazat ke bawajud
kyun waqt ko ghubar nahin kar rahe hain log
KHush hun ki aasman se hai qaem zamin ka rabt
dukh hai ki paedar nahin kar rahe hain log
shayad ki meri maut ka elan ho chuka
ab mujh pe koi war nahin kar rahe hain log
aage ki dauD mein hue mahdud is tarah
mazi pe eqtidar nahin kar rahe hain log
ai yar apne husn pe kuchh KHak Dal de
ab ishq iKHtiyar nahin kar rahe hain log
ab nisf shab nikalte hain be-KHauf kaam par
suraj ka intizar nahin kar rahe hain log
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
