hosh jab jae to pyare bhi kahan dikhte hain

hosh jab jaa.e to pyāre bhī kahāñ dikhte haiñ

phire dariyā ko kināre bhī kahāñ dikhte haiñ

jab murīdī hī kisī raat kī kar lī jaa.e

aise meñ din ke ishāre bhī kahāñ dikhte haiñ

aap ke saath to ham dekh liyā karte the

ab hameñ chāñd sitāre bhī kahāñ dikhte haiñ

kandhe phir chaar hoñ chhe aaTh ki das bārah hoñ

mar ga.e hoñ to sahāre bhī kahāñ dikhte haiñ

jo kabhī dard ko bhī dekh liyā karte the

ab unheñ dard ke maare bhī kahāñ dikhte haiñ

hosh jab jae to pyare bhi kahan dikhte hain

phire dariya ko kinare bhi kahan dikhte hain

jab muridi hi kisi raat ki kar li jae

aise mein din ke ishaare bhi kahan dikhte hain

aap ke sath to hum dekh liya karte the

ab hamein chand sitare bhi kahan dikhte hain

kandhe phir chaar hon chhe aaTh ki das barah hon

mar gae hon to sahaare bhi kahan dikhte hain

jo kabhi dard ko bhi dekh liya karte the

ab unhen dard ke mare bhi kahan dikhte hain