hosh-mandon ko bhi madhosh bana deta hai

hosh-mandoñ ko bhī mad.hosh banā detā hai

'ishq bistar ko bhī āġhosh banā detā hai

apnī raftār-o-zehānat kā takabbur aksar

dauḌne vāloñ ko ḳhargosh banā detā hai

tum ko mā'lūm hai us shaḳhs kī āñkhoñ kā tilism

pīr-zādoñ ko bhī mai-nosh banā detā hai

mujh se ḳhud.dār se hogī na ġhulāmī terī

kaam kirdār ko pā-posh banā detā hai

daur-e-tanhā.ī meñ dil khol ke rone kā 'amal

ḳhāna-e-dil ko subuk-dosh banā detā hai

hārne lagtā huuñ maiñ 'ishq ke āzār se jab

dard-e-hijrāñ mujhe pur-josh banā detā hai

hosh-mandon ko bhi madhosh bana deta hai

'ishq bistar ko bhi aaghosh bana deta hai

apni raftar-o-zehanat ka takabbur aksar

dauDne walon ko KHargosh bana deta hai

tum ko ma'lum hai us shaKHs ki aankhon ka tilism

pir-zadon ko bhi mai-nosh bana deta hai

mujh se KHuddar se hogi na ghulami teri

kaam kirdar ko pa-posh bana deta hai

daur-e-tanhai mein dil khol ke rone ka 'amal

KHana-e-dil ko subuk-dosh bana deta hai

haarne lagta hun main 'ishq ke aazar se jab

dard-e-hijran mujhe pur-josh bana deta hai