hoti hai tamanna tah-o-baala mere aa ge

hotī hai tamanna tah-o-bālā mire aa ge

dil hai ki huā jaatā hai rusvā mire aage

ḳhud-bīnī ḳhud-ārā.ī to hai zeb tujhī ko

juz tere nahīñ koī bhī aisā mire aage

ġham aur ḳhushī sab ko mayassar hai jahāñ meñ

chaḌhtā hai utartā hai ye dariyā mire aage

shohrat kī bulandī bhī hai do pal kā tamāshā

kis baat pe itrātī ye duniyā mire aage

duniyā bhī tujhī se mirī uqbā bhī tujhī se

har samt tū hī ka.aba kalīsā mire aage

pahle to sar-e-ām milā karte the aur ab

ḳhalvat meñ bhī kar lete haiñ pardā mire aage

kahne kā bhī aatā nahīñ har ik ko salīqa

hai ahl-e-nazar kā yahī kahnā mire aage

haañ naam to mai-ḳhvāroñ meñ hai merā bhī saaqī

auroñ ko ziyāda hai zarā sā mire aage

hoti hai tamanna tah-o-baala mere aa ge

dil hai ki hua jata hai ruswa mere aage

KHud-bini KHud-arai to hai zeb tujhi ko

juz tere nahin koi bhi aisa mere aage

gham aur KHushi sab ko mayassar hai jahan mein

chaDhta hai utarta hai ye dariya mere aage

shohrat ki bulandi bhi hai do pal ka tamasha

kis baat pe itraati ye duniya mere aage

duniya bhi tujhi se meri uqba bhi tujhi se

har samt tu hi kaba kalisa mere aage

pahle to sar-e-am mila karte the aur ab

KHalwat mein bhi kar lete hain parda mere aage

kahne ka bhi aata nahin har ek ko saliqa

hai ahl-e-nazar ka yahi kahna mere aage

han nam to mai-KHwaron mein hai mera bhi saqi

auron ko ziyaada hai zara sa mere aage