hua sawal ki fariyaad ab nahin aati

huā savāl ki fariyād ab nahīñ aatī

diyā javāb tirī yaad ab nahīñ aatī

zamīn-e-sher meñ go hal chalā.e jaate haiñ

magar dimāġh kī vo khaad ab nahīñ aatī

hai chand logoñ pe mauqūf is liye ḳhilqat

jahāñ pe baTtā hai parshād ab nahīñ aatī

ifāqa hai unheñ khujlī se is liye ham ko

pasand daad kī bedād ab nahīñ aatī

jo ek martaba phañs kar nikal ga.ī bulbul

kabhī vo daam meñ sayyād ab nahīñ aatī

qafas ko toḌ ke taa.ir nikal gayā hogā

sadā-e-nāla-e-fariyād ab nahīñ aatī

ḳhizāñ-rasīda hue ghar ba-faiz-e-nas-bandī

bahār-e-kasrat-e-aulād ab nahīñ aatī

na zauq-e-koh-kanī hai na shauq-e-jāñ-bāzī

sadā-e-taisha-e-farhād ab nahīñ aatī

kabhī chale the Take kos aaj motor hai

jo ibtidā thī kabhī yaad ab nahīñ aatī

hua sawal ki fariyaad ab nahin aati

diya jawab teri yaad ab nahin aati

zamin-e-sher mein go hal chalae jate hain

magar dimagh ki wo khad ab nahin aati

hai chand logon pe mauquf is liye KHilqat

jahan pe baTta hai parshad ab nahin aati

ifaqa hai unhen khujli se is liye hum ko

pasand dad ki bedad ab nahin aati

jo ek martaba phans kar nikal gai bulbul

kabhi wo dam mein sayyaad ab nahin aati

qafas ko toD ke tair nikal gaya hoga

sada-e-nala-e-fariyaad ab nahin aati

KHizan-rasida hue ghar ba-faiz-e-nas-bandi

bahaar-e-kasrat-e-aulad ab nahin aati

na zauq-e-koh-kani hai na shauq-e-jaan-bazi

sada-e-taisha-e-farhad ab nahin aati

kabhi chale the Take kos aaj motor hai

jo ibtida thi kabhi yaad ab nahin aati