hue aazim-e-mulk-e-adam jo hawas to KHushi ye hui thi ki gham se chhuTe

hue āzim-e-mulk-e-adam jo 'havas' to ḳhushī ye huī thī ki ġham se chhuTe

pa farāġh alam se na vaañ bhī milā vaañ ġham ye huā ki vo ham se chhuTe

kabhī dair meñ the kisī but pe fidā kabhī kā'be meñ karte jā ke du'ā

tire kūche meñ baiThe to ḳhuub huā ki kashākash-e-dair-o-haram se chhuTe

yahī kahtī thī lailī-e-parda-nashīñ ki firāq kī ab use taab nahīñ

milūñ us se maiñ tā mirā qais-e-Hazīñ ġham-e-hijr ke dard-o-alam se chhuTe

maiñ huā bhī jo bismil-e-teġh-e-jafā vale baaqī hai dil meñ abhī ye vafā

ki yaqīñ hai lahū mirā jā-e-hinā jo lage to na pā-e-sanam se chhuTe

na ho basta-e-chīn-e-kamand-o-rasan rahe bhāgtā hai vo ba-dasht-e-ḳhutan

tirī chashm ho us pe jo sāya-fagan kabhī pā-e-ġhazāl na ram se chhuTe

na kyuuñ shākī hoñ baḳht-e-siyāh se ham ki vo mādin-e-shafqat-o-lutf-o-karam

kare nāla-e-shauq jo ham ko raqam to siyāhī na nok-e-qalam se chhuTe

mujhe rah meñ mile the vo bāñdhe kamar chale jaate the baaġh ko vaqt-e-sahar

unheñ laatā pakaḌ mujhe kis kā thā Dar pa fareb ke qaul-o-qasam se chhuTe

hue ḳhauf se gosha-guzīn asas gayā siina pilañg-e-falak kā jhulas

shab-e-hijr meñ yaaro baġhair-e-'havas' mire naale jo sher ajam se chhuTe

hue aazim-e-mulk-e-adam jo 'hawas' to KHushi ye hui thi ki gham se chhuTe

pa faragh alam se na wan bhi mila wan gham ye hua ki wo hum se chhuTe

kabhi dair mein the kisi but pe fida kabhi ka'be mein karte ja ke du'a

tere kuche mein baiThe to KHub hua ki kashakash-e-dair-o-haram se chhuTe

yahi kahti thi laili-e-parda-nashin ki firaq ki ab use tab nahin

milun us se main ta mera qais-e-Hazin gham-e-hijr ke dard-o-alam se chhuTe

main hua bhi jo bismil-e-tegh-e-jafa wale baqi hai dil mein abhi ye wafa

ki yaqin hai lahu mera ja-e-hina jo lage to na pa-e-sanam se chhuTe

na ho basta-e-chin-e-kamand-o-rasan rahe bhagta hai wo ba-dasht-e-KHutan

teri chashm ho us pe jo saya-fagan kabhi pa-e-ghazal na ram se chhuTe

na kyun shaki hon baKHt-e-siyah se hum ki wo madin-e-shafqat-o-lutf-o-karam

kare nala-e-shauq jo hum ko raqam to siyahi na nok-e-qalam se chhuTe

mujhe rah mein mile the wo bandhe kamar chale jate the bagh ko waqt-e-sahar

unhen lata pakaD mujhe kis ka tha Dar pa fareb ke qaul-o-qasam se chhuTe

hue KHauf se gosha-guzin asas gaya sina pilang-e-falak ka jhulas

shab-e-hijr mein yaro baghair-e-'hawas' mere nale jo sher ajam se chhuTe