ہوئے اور بیکل دوا کے اثر سے

ہوئے اور بیکل دوا کے اثر سے

کریں خاک امید ہم چارہ گر سے

کہیں ابر رحمت لگاتار برسے

غضب ہے کہیں بوند کو کوئی ترسے

جبیں جو نہ جھکتی تھی دیر و حرم پر

وہ اٹھتی نہیں اب ترے سنگ در سے

کئی بار لب تک ترا نام آیا

مگر سی لئے ہونٹ دنیا کے ڈر سے

تری یاد پھر آج تڑپا رہی ہے

ٹپکنے لگے اشک پھر چشم تر سے

زمانے کی کچھ ہم کو پروا نہیں ہے

مگر گر نہ جائیں تمہاری نظر سے

الٰہی یہ کیسی ہوا چل پڑی ہے

بشر خوف کھانے لگا ہے بشر سے

بہارؔ آج کوئی نیا گل کھلے گا

طبیعت بہت مضطرب ہے سحر سے