hue aur bekal dawa ke asar se

hue aur bekal davā ke asar se

kareñ ḳhaak ummīd ham chāra-gar se

kahīñ abr-e-rahmat lagātār barse

ġhazab hai kahīñ buuñd ko koī tarse

jabīñ jo na jhuktī thī dair-o-haram par

vo uThtī nahīñ ab tire sang-e-dar se

ka.ī baar lab tak tirā naam aayā

magar sī liye hoñT duniyā ke Dar se

tirī yaad phir aaj taḌpā rahī hai

Tapakne lage ashk phir chashm-e-tar se

zamāne kī kuchh ham ko parvā nahīñ hai

magar gir na jaa.eñ tumhārī nazar se

ilāhī ye kaisī havā chal paḌī hai

bashar ḳhauf khāne lagā hai bashar se

'bahār' aaj koī nayā gul khilegā

tabī'at bahut muztarib hai sahar se

hue aur bekal dawa ke asar se

karen KHak ummid hum chaara-gar se

kahin abr-e-rahmat lagatar barse

ghazab hai kahin bund ko koi tarse

jabin jo na jhukti thi dair-o-haram par

wo uThti nahin ab tere sang-e-dar se

kai bar lab tak tera nam aaya

magar si liye honT duniya ke Dar se

teri yaad phir aaj taDpa rahi hai

Tapakne lage ashk phir chashm-e-tar se

zamane ki kuchh hum ko parwa nahin hai

magar gir na jaen tumhaari nazar se

ilahi ye kaisi hawa chal paDi hai

bashar KHauf khane laga hai bashar se

'bahaar' aaj koi naya gul khilega

tabi'at bahut muztarib hai sahar se