hue na aandhi ke aage jo sar-KHamida shajar

hue na āñdhī ke aage jo sar-ḳhamīda shajar

so lag rahe haiñ hameñ apne ham-'aqīda shajar

bichhaḌ ke tujh se baḌe zabt se maiñ chal to paḌā

magar rulā ga.e raste ke ābdīda shajar

ai belo tum ko nahīñ ḳhauf tum to paañv meñ ho

ukhāḌe jā.eñge ḳhud.dār chīda chīda shajar

sajā liye na.e gamle alag alag sab ne

akelā rah gayā gulshan meñ sin-rasīda shajar

hamesha shahr se dhutkāre jaane vāloñ ko

gale lagāte haiñ jangal ke barguzīda shajar

hamāre zikr pe kahte haiñ yuuñ parinde ab

'nabīl' kaun vahī nā ḳhizāñ-rasīda shajar

hue na aandhi ke aage jo sar-KHamida shajar

so lag rahe hain hamein apne ham-'aqida shajar

bichhaD ke tujh se baDe zabt se main chal to paDa

magar rula gae raste ke aabdida shajar

ai belo tum ko nahin KHauf tum to panw mein ho

ukhaDe jaenge KHuddar chida chida shajar

saja liye nae gamle alag alag sab ne

akela rah gaya gulshan mein sin-rasida shajar

hamesha shahr se dhutkare jaane walon ko

gale lagate hain jangal ke barguzida shajar

hamare zikr pe kahte hain yun parinde ab

'nabil' kaun wahi na KHizan-rasida shajar