hui baKHshish to naya chand chaDhaya humne

huī baḳhshish to nayā chāñd chaḌhāyā ham ne

ḳhuld meñ ġhair kī hūroñ ko phañsāyā ham ne

hāl-e-dil un ko agar jā ke sunāyā ham ne

ulTā barham hue kyoñ dil ko lagāyā ham ne

kyoñ banāyā thā hameñ ek taraf hai ye savāl

ik taraf hai ye bharam tum ko banāyā ham ne

hashr kuchh aap kī mahfil nahīñ banda-parvar

jo bigaḌ kar hameñ kahte haiñ bulāyā ham ne

vasl meñ baat thī das bosoñ kī lekin us ne

sharm meñ ik hī liyā aur baqāyā ham ne

husn āñkhoñ meñ utar aayā hai har chand us kā

aa.ine meñ bhī jo dekhā use paayā ham ne

jab paḌhī hazrat-e-'hāris' kī ġhazal farmāyā

ba-ḳhudā aisā suḳhanvar nahīñ paayā ham ne

hui baKHshish to naya chand chaDhaya hum ne

KHuld mein ghair ki huron ko phansaya hum ne

haal-e-dil un ko agar ja ke sunaya hum ne

ulTa barham hue kyon dil ko lagaya hum ne

kyon banaya tha hamein ek taraf hai ye sawal

ek taraf hai ye bharam tum ko banaya hum ne

hashr kuchh aap ki mahfil nahin banda-parwar

jo bigaD kar hamein kahte hain bulaya hum ne

wasl mein baat thi das boson ki lekin us ne

sharm mein ek hi liya aur baqaya hum ne

husn aankhon mein utar aaya hai har chand us ka

aaine mein bhi jo dekha use paya hum ne

jab paDhi hazrat-e-'haaris' ki ghazal farmaya

ba-KHuda aisa suKHanwar nahin paya hum ne