hui hai hum mein aur is gul mein kya kya mar phulon ki
huī hai ham meñ aur is gul meñ kyā kyā maar phūloñ kī
gale tak uTh ga.ī gulzār meñ dīvār phūloñ kī
bahār aa.ī hai gulshan ne qabā-e-sabz badlī hai
javānān-e-chaman ke sar pe hai dastār phūloñ kī
chaman meñ āj-kal us zor se paanī barastā hai
huī hai bulbuloñ par har taraf bauchhār phūloñ kī
bike haiñ kauḌiyoñ ke mol da.avā kar ke us gul se
ga.ī hai aabrū kyā kyā sar-e-bāzār phūloñ kī
rasā.ī 'qadr' kī kyuuñ kar na ho is bazm-e-rañgīñ meñ
chaman meñ rakhte haiñ sohbat hamesha ḳhaar phūloñ kī
hui hai hum mein aur is gul mein kya kya mar phulon ki
gale tak uTh gai gulzar mein diwar phulon ki
bahaar aai hai gulshan ne qaba-e-sabz badli hai
jawanan-e-chaman ke sar pe hai dastar phulon ki
chaman mein aaj-kal us zor se pani barasta hai
hui hai bulbulon par har taraf bauchhaar phulon ki
bike hain kauDiyon ke mol dawa kar ke us gul se
gai hai aabru kya kya sar-e-bazar phulon ki
rasai 'qadr' ki kyun kar na ho is bazm-e-rangin mein
chaman mein rakhte hain sohbat hamesha KHar phulon ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
