hujum-e-gham mein jina kis qadar sabr aazma hota

hujūm-e-ġham meñ jiinā kis qadar sabr aazmā hotā

agar dard-e-mohabbat se ye dil nā-āshnā hotā

mirī laġhzish ne rangīñ kar diyā har naqsh-e-hastī ko

yahāñ hū kā samāñ hotā agar maiñ pārsā hotā

tamanna ḳhud-farebī aarzū hai jaan kī dushman

masarrat dil ko denā thī to bas ġham hī diyā hotā

ye insān apnī duniyā ko tabāhī se bachā letā

agar fikr-e-jazā hotī agar ḳhauf-e-ḳhudā hotā

kareñ kyā ham bhī haiñ majbūr dil se varna ai hamdam

tirī har baat sun lete agar dil dūsrā hotā

ḳhushā-qismat junūn-e-justujū thā saath saath apnī

vagarna rahnumā ne to hameñ bhaTkā diyā hotā

kahāñ thā hausla kaise guzartī zindagī yā-rab

agar faiz-e-mohabbat kā na dil ko aasrā hotā

bas ik zauq-e-tamannā ne kiyā rusvā mujhe varna

na taklīf-e-fanā hotī na armān-e-baqā hotā

ilaaj apne kiye kā kuchh nahīñ duniyā meñ 'āshufta'

na ham iz.hār-e-ġham karte na koī ḳhud-numā hotā

hujum-e-gham mein jina kis qadar sabr aazma hota

agar dard-e-mohabbat se ye dil na-ashna hota

meri laghzish ne rangin kar diya har naqsh-e-hasti ko

yahan hu ka saman hota agar main parsa hota

tamanna KHud-farebi aarzu hai jaan ki dushman

masarrat dil ko dena thi to bas gham hi diya hota

ye insan apni duniya ko tabahi se bacha leta

agar fikr-e-jaza hoti agar KHauf-e-KHuda hota

karen kya hum bhi hain majbur dil se warna ai hamdam

teri har baat sun lete agar dil dusra hota

KHusha-qismat junun-e-justuju tha sath sath apni

wagarna rahnuma ne to hamein bhaTka diya hota

kahan tha hausla kaise guzarti zindagi ya-rab

agar faiz-e-mohabbat ka na dil ko aasra hota

bas ek zauq-e-tamanna ne kiya ruswa mujhe warna

na taklif-e-fana hoti na arman-e-baqa hota

ilaj apne kiye ka kuchh nahin duniya mein 'ashufta'

na hum izhaar-e-gham karte na koi KHud-numa hota