hujum-e-shauq ne ruswa kiya kya

hujūm-e-shauq ne rusvā kiyā kyā

maiñ kyā kahne ko thā aur kah gayā kyā

guloñ kā ḳhuuñ gulistāñ kī tabāhī

manāzir sāmne aa.e haiñ kyā kyā

junūn-e-rah-ravī apnā salāmat

kareñge rahnumā.ī rahnumā kyā

kañval ke phuul par shabnam ke qatre

ġhurūr-e-husn ko āḳhir huā kyā

nazar meñ thā jamāl-e-sad-bahārāñ

maiñ sū-e-gul palaT kar dekhtā kyā

tumhārī be-ruḳhī allāh rakkhe

mirī betābiyoñ kā tazkira kyā

jise raushan kiyā thā ḳhūn-e-dil se

'hasan' bujhne lagā vo bhī diyā kyā

hujum-e-shauq ne ruswa kiya kya

main kya kahne ko tha aur kah gaya kya

gulon ka KHun gulistan ki tabahi

manazir samne aae hain kya kya

junun-e-rah-rawi apna salamat

karenge rahnumai rahnuma kya

kanwal ke phul par shabnam ke qatre

ghurur-e-husn ko aaKHir hua kya

nazar mein tha jamal-e-sad-bahaaran

main su-e-gul palaT kar dekhta kya

tumhaari be-ruKHi allah rakkhe

meri betabiyon ka tazkira kya

jise raushan kiya tha KHun-e-dil se

'hasan' bujhne laga wo bhi diya kya