hujum-e-yas mein man ki dua milti rahi hai

hujūm-e-yās meñ maañ kī duā miltī rahī hai

ye daulat zindagī meñ bārhā miltī rahī hai

kisī kā kuchh bigāḌā hī nahīñ ham ne zamāne meñ

hameñ to ḳhvāb likhne kī sazā miltī rahī hai

tire dar tak pahuñchne kī kabhī naubat nahīñ aa.ī

ki raste meñ hameñ apnī anā miltī rahī hai

bachā ke laakh rakkhā tū ne apne dāman-e-dil ko

magar zaḳhmoñ ko phir bhī kuchh havā miltī rahī hai

agar ham ġhaur se dekheñ to ab mahsūs hotā hai

ki vo ham se yūñhī be-mudda.ā miltī rahī hai

kahīñ bhī haath phailā.e nahīñ tere sivā ham ne

hameñ har moḌ par terī atā miltī rahī hai

hujum-e-yas mein man ki dua milti rahi hai

ye daulat zindagi mein barha milti rahi hai

kisi ka kuchh bigaDa hi nahin hum ne zamane mein

hamein to KHwab likhne ki saza milti rahi hai

tere dar tak pahunchne ki kabhi naubat nahin aai

ki raste mein hamein apni ana milti rahi hai

bacha ke lakh rakkha tu ne apne daman-e-dil ko

magar zaKHmon ko phir bhi kuchh hawa milti rahi hai

agar hum ghaur se dekhen to ab mahsus hota hai

ki wo hum se yunhi be-muddaa milti rahi hai

kahin bhi hath phailae nahin tere siwa hum ne

hamein har moD par teri ata milti rahi hai