hunar nahin jo hawaon ke par katarne ka

hunar nahīñ jo havāoñ ke par katarne kā

rahegā ḳhauf hamesha hī bujh ke marne kā

ham ā.inoñ ke muḳhātab na ho sakeñge kabhī

hameñ to ḳhatra hai apnā naqāb utarne kā

vafā kī raah pe marnā bhī thā mujhe manzūr

koī to hogā sabab mere ab mukarne kā

darāḌ baḌhtī hai baḌh jaa.e bad-gumānī kī

irāda merā bhī un se na baat karne kā

baheliye kī kahānī se hī Dare taa.ir

rahā na hausla un meñ uḌaan bharne kā

na us ne dil se mujhe rokne kī koshish kī

na mere paas samay thā vahāñ Thaharne kā

safed hone lagīñ haiñ hamārī bhī qalameñ

nishān paḌne lagā vaqt ke guzarne kā

falak se rahh-numā.ī 'dinesh' ne kī thī

savāl uThtā kahāñ zulmatoñ se Darne kā

hunar nahin jo hawaon ke par katarne ka

rahega KHauf hamesha hi bujh ke marne ka

hum aainon ke muKHatab na ho sakenge kabhi

hamein to KHatra hai apna naqab utarne ka

wafa ki rah pe marna bhi tha mujhe manzur

koi to hoga sabab mere ab mukarne ka

daraD baDhti hai baDh jae bad-gumani ki

irada mera bhi un se na baat karne ka

baheliye ki kahani se hi Dare tair

raha na hausla un mein uDan bharne ka

na us ne dil se mujhe rokne ki koshish ki

na mere pas samay tha wahan Thaharne ka

safed hone lagin hain hamari bhi qalamen

nishan paDne laga waqt ke guzarne ka

falak se rahh-numai 'dinesh' ne ki thi

sawal uThta kahan zulmaton se Darne ka