huruf Khaali sadaf aur nisab zaKHmon ke

hurūf ḳhālī sadaf aur nisāb zaḳhmoñ ke

varaq varaq pe haiñ tahrīr ḳhvāb zaḳhmoñ ke

savāl phuul se nāzuk javāb zaḳhmoñ ke

bahut ajiib haiñ ye inqalāb zaḳhmoñ ke

ġharīb-e-shahr ko kuchh aur ġham-zada karne

amīr-e-shahr ne bheje ḳhitāb zaḳhmoñ ke

suroñ pe taan ke rakhnā savāb kī chādar

utarne vaale haiñ ab ke azaab zaḳhmoñ ke

vo ek shaḳhs ki jo fat.h kā samundar thā

usī ke hisse meñ aa.e sarāb zaḳhmoñ ke

khileñge naḳhl-e-tamannā kī Tahnī Tahnī par

lahū kī surḳhiyāñ le kar gulāb zaḳhmoñ ke

sajā ke rakkhūñgā mehrāb-e-dil meñ ai 'nayyar'

bahut aziiz haiñ mujh ko gulāb zaḳhmoñ ke

huruf KHali sadaf aur nisab zaKHmon ke

waraq waraq pe hain tahrir KHwab zaKHmon ke

sawal phul se nazuk jawab zaKHmon ke

bahut ajib hain ye inqalab zaKHmon ke

gharib-e-shahr ko kuchh aur gham-zada karne

amir-e-shahr ne bheje KHitab zaKHmon ke

suron pe tan ke rakhna sawab ki chadar

utarne wale hain ab ke azab zaKHmon ke

wo ek shaKHs ki jo fath ka samundar tha

usi ke hisse mein aae sarab zaKHmon ke

khilenge naKHl-e-tamanna ki Tahni Tahni par

lahu ki surKHiyan le kar gulab zaKHmon ke

saja ke rakkhunga mehrab-e-dil mein ai 'nayyar'

bahut aziz hain mujh ko gulab zaKHmon ke